Lögguland

You Will Never Walk Alone

2005-05-25T15:06:00.000-08:00

Hverjir eru bestir, LIVERPOOL LIVERPOOL LIVERPOOL
SVONA EIGA ÚRSLITALEIKIR AÐ VERA.

MEIRIHÁTTAR LEIKUR

inngrip í liðna daga

2005-05-11T03:36:00.000-08:00

jæja svona smá inngrip í liðna daga hjá mér... ég er núna að vinna 5 daginn í röð og er að vinna næstu 2 nætur líka. er svo í fríi um helgina og var að spá í að kíkja í heimsókn austur á firði en það er bara svo DÝRT að fljúga. 16þús gæti alveg eins skellt mér til köpen fyrir sama pening. þannig ég er bara að spá í að skella mér á djammið í bænum um helgina. held það verði alveg nóg um að vera. eða kannski ekki veit ekkert hvernig þessi helgi stangast á við prófin. veit allavega að aðra helgi er júróvision og þá fer fólk á djammið.
en já þarsíðustu helgi var ég á Stykkishólmi að keppa í fótbolta eins og ég tjáði fólki í síðasta bloggi... Við enduðum í 7 sæti sem er mun ofar en við áttum von á unnum 5 af 8 leikjum okkar sem telst held ég bara mjög góður árangur. yfir 50% vinningshlutfall:D en já maður fékk sér audda í glas á föstudagskvöldið með strákunum í liðinu og kíktum á stemmaran í hólminum og já orðum það bara þannig að 90% af liðinu sem var á barnum voru löggur 2% kvennfólk og rest einhverjir karlkynshólmarar... þannig það var nú ekkert rosalega spennandi kvöld. ég ákvað svo að sleppa lokahófinu, mamma, pabbi, systa og kærastinn hennar komu í hólminn á laugardeginum og ég fékk bara far með þeim í bæinn. tók því bara rólega um kvöldið, kíkti bara í heimsókn og svona.
hei ég var að taka ákvörðun um það í dag að ég ætla út til Svíþjóðar 15 ágúst-22 ágúst ef ég fæ frí í vinnunni. ætti að geta notað sumarfrísdagana mína sem eru alveg heilir 4 til að fara út. ætla að heimsækja fólkið sem ég þekki í Norrköping þar sem ég var í skóla í 2 mánuði 2002. félagi minn af vellinum ætlar að koma með mér og við ætlum svo að djamma af okkur rassgatið. held þetta verði bara gaman. en já held þetta sé nóg í bili.... þangað til næst

Uss hvað maður er latur

2005-04-23T16:00:00.000-08:00

Ég veit ég er búinn að vera ekkert smá latur að blogga. Þannig séð ekkert mikið að segja frá. Maður gerir lítið annað en að vinna og svo ef maður er í smá fríi þá reynir maður bara að hitta á vinina í bænum. Skelti mér nú samt á djammið um síðustu helgi. Var hér í Keflavík á föstudeginum en það var bara svona rólegt og ég fór heim um 3 en svo á laugardeginum þá var farið á Roadhouse. Þar borgaði maður 2000 kr inn og drakk eins mikinn bjór og maður vildi á barnum. Fínasta tónlist í gangi líka þarna. Minnti smá á gamla Felix enda Svavar sem var vaktstjóri þar að sjá um tónlistina.
Já svo er börnunum alltaf að fjölga í kringum mann. Og ótrúlegasta fólk að verða foreldrar. Ég er samt ekkert að flýta mér í þessum málum er bara laus og liðugur.
Foreldrar mínir ákváðu að bjóða systu og kærastanum hennar til Íslands í nokkra daga og koma þau á miðvikudaginn. Samt vill svo "skemmtilega" til að ég hef nóg að gera um næstu helgi. Það er víst Landsmót ungra lögreglumanna í fótbolta á Stykkishólmi og ég er í liðinu fyrir mitt embætti.
Svo fer tímabilið að byrja í Utandeildinni. Held það sé mánuðir í fyrsta leik.
En já nóg af blaðri þangað til næst.....

góð helgi en skrautleg

2005-04-03T23:42:00.000-08:00

þetta var fín helgi og sérstaklega góður endir því liðið mitt tók lið Geirfuglana í nefið i kvöld. unnum þá 6-2. sjonni með þrennu einu sinni enn.... kominn með 10 mörk í síðustu 3 leikjum.

en já svona það skrautlega við helgina er það að ég skellti mér á djammið með herlöggunni á vellinum og það var tekið ansi hressilega á því.... fórum fyrst upp á varnarsvæði á barinn þar og fengum okkur nokkra bjóra til að hita upp. síðan var haldið á paddys en lítið stuð þar þannig við kíktum á traffic en það var ekkert af fólki þar af viti svo við skelltum okkur á casino. þar skemmtum við okkur fram á morgun.

en já svona annars er það bara að frétta af mér að ég er að vinna eins og vitleysingur og hef lítinn tíma til að sletta úr klaufunum. en já svona er þetta bara og ég ætla ekkert að hafa þetta lengra í bili læt heyra frá mér flótlega aftur ég lofa:P

brjálað að gera bara

2005-03-29T03:39:00.000-08:00

það er bara allt að verða vitlaust.... er að vinna eins og vitleysingur og þegar ég er ekki að vinna er ég svo latur að ég nenni ekki að fara út úr húsi.... skrapp samt í bæinn í dag og kíkti í bíó með nóra og konunni hans....
Annars svona það sem er helst að frétta er að helgina fyrir páska fór ég í afmæli til ella ofurbuzzer á hverfisbarnum. hitti þar inga sævar og við þvældumst um bæinn fram til 6 um morguninn... ég var samt bara edrú en þetta var fínt aðeins að upplifa miðbæinn aftur... svo á laugardeginum var árshátíð lögreglunnar á keflavíkurflugvelli.... sem var rosalega fín meðan á borðhaldinu stóð.... skemmtiatriðin alveg snilld sérstaklega hjá yfirstjórninni... svo kíkti ég í smá stund niður í bæ en var kominn heim um 3 því ég fór svo að vinna kl 7 á sunnudagsmorguninn.... var frekar þreyttur um kvöldið enda fór ég beint að sofa.... restin af vikunni var eiginlega bara vinna og páskahelgin líka. en það verður gaman að sjá launaseðilinn í lok vikunnar og einnig mánaðarmótin eftir það.... kannski maður nái að slá aðeins á skuldirnar:) og jafnvel hafa smá afgang til að leggja til hliðar en núna ætla ég að fara bara að sofa og reyna að nota frídaginn minn á morgun til að gera eitthvað sniðugt... já og hei gæti vel verið að það verði partý í mosó um næstu helgi... foreldrarnir úti og svona;) en það kemur allt í ljós ég læt fólk vita engar áhyggjur af því

Árshátíð

2005-03-18T06:24:00.000-08:00

úff.... það er búið að vera brjálað að gera. ég er búinn að vera að vinna síðustu 7 daga. var á dagvakt um síðustu helgi og svo búinn að vera á næturvakt alla vikuna. er í fríi í dag og á morgun en fer á morgunvakt á sunnudaginn. hefði nú verið lúxus að vera í fríi líka þá því þá gæti ég nú slett ærlega úr klaufunum á morgun því þá er árshátíð lögreglu, öryggisgæslu og tollgæslu á vellinum. hún verður haldin á grand rock... eyfi á víst að spila fyrir dansi þó svo það heilli nú ekki mikið en þá bara fer maður niður í bæ. ég ákvað í gær að skella mér þegar ég komst að því að ég væri ekki að vinna á laugardagskvöld en útaf vaktinni á sunnudaginn þá verð ég nú ekki lengi og ætla að vera edrú.
ekki er hægt að segja annað en ég hafi nóg að gera um helgina því að á sunnudaginn beint eftir vakt þarf ég að bruna í bæinn til að spila æfingaleik með fc dragon. hann er kl 20 og ég er búinn að vinna kl 19. já mikið rétt 12 tíma vaktir. vá hvað ég á eftir að vera búinn á sunnudagskvöldið.

já svo eru mamma, pabbi og litli bróðir í búlgaríu. foreldrar mínir þar að kenna hugleiðslu. þannig bróðir minn sem er 2 árum yngri en ég er bara einn heima og ég held ég krassi bara þar um helgina svo ég þurfi ekki að keyra í kefl beint eftir árshátíðina.

en já ég ætla að skella mér í bæinn þannig endilega verið í bandi um helgina ef þið eruð að gera eitthvað sniðugt.

já þið segir það

2005-03-02T18:50:00.000-08:00

það er alltaf gaman að fá comment frá fólki hér inn á bloggið... en það er líka pirrandi að fólk sé að skjóta á mann og þorir svo ekki að láta sitt eigið nafn fylgja með....
en já annars gengur lífið bara sinn vanagang. fékk reyndar minna útborgað en ég átti von á þannig þessi mánuður verður strögl en maður sættir sig bara við það... það kostar sitt að byrja að standa á eigin fótum. ýmislegt sem maður þarf að fórna bara af því að fjárhagurinn leyfir það ekki. en þá verður maður bara að finna sér eitthvað annað til að dunda sér við sem kostar ekki neitt eða allavega lítið sem ekki neitt.. já svo er fólk alltaf velkomið að kíkja í heimsókn... það er nú ekki það langt úr bænum og hingað.... ég er líka í fríi föst og laug eða allavega lítur út fyrir það.... reyndar stendur mér til boða að fara að vinna í álverinu á grundartanga á laugardaginn... eitthvað verið að steypa upp þar þannig það þýðir járnabinding. en það kemur bara allt í ljós hvað verður.... en nóg af röfli í bili heyrumst:)

vinnuhelgi

2005-02-25T17:50:00.000-08:00

jæja maður vaknaður eftir næturvaktina... 3 vaktir eftir.... hlakkar dáldið til á mánudagsmorgun þegar þessi törn er búin. en þetta verður skrautleg vakt í nótt... það eru bara 2 á vakt sem eiga að vera á vakt og hitt eru aukavinnumenn og aðalega þá H menn sem eru ólærðir lögregluþjónar eins og ég. það er nefnilega þorrablót hjá löggunni á vellinum. en þetta verður bara gaman. er að spá í að skella mér í bæinn á mánudaginn. á víst pantaðan tíma hjá tannsa á þriðjudagsmorgun. var með einhvern helvítis verk í einni tönninni frá miðri síðustu viku fram í miðja þessa en hann er farinn núna en er samt að spá í að nota þennan tíma til að fara í tékk bara. það er víst ætlast til þess að maður geri það öðru hverju. en núna ætla ég að fara að klára að hafa mig til fyrir vinnuna... góða helgi fólk

jæja kominn með netið

2005-02-22T20:34:00.000-08:00

jæja núna er maður kominn með netið. ákvað að slá bara til og fá mér nettengingu þannig ég sé ekki sambandslaus við umheiminn. en svona annars er það bara að frétta af mér að mér líður bara vel hér í keflavík. er að vinna bara eins mikið og ég get en er ennþá reyndar að bíða eftir að það gerist eitthvað í þjálfaramálum. er ekkert byrjaður að þjálfa ennþá. samt ágætt því þá get ég einbeitt mér að því að læra nýja starfið mitt. var í dag á námskeiði þannig séð. fór upp í landamæradeild og þar var verið að kynna mér það starf sem þar er unnið og hvernig ég á að standa að vegabréfaskoðun. lærði mikið um það hvað það er staðið að þeirri skoðun. þetta er meira en að segja það. margt sem maður þarf að hafa í huga. alls ekki einfalt starf. en mér finnst þetta virkilega merkilegt starf og hvernig þeir standa að því.

aðrar fréttir af mér að ég byrjaði að dúlla mér með keflavíkurmær um helgina. hún heitir harpa og er algjör dúlla og hún á lítinn stubb sem heitir kári og er 3 mánaða. þannig maður er kominn með allan pakkan núna (bíll, íbúð, konu og barn) en bara gaman að því. svo er merkisdagur á morgun. kallinn bara að verða 24 ára gamall.... vá maður er bara orðinn gamall.

já svo er liðið mitt að standa sig vel þessa dagana. voru að spila æfingaleik á sunnudaginn og unnu 6-3 en urðu reyndar fyrir slæmum forföllum. orri markvörður meiddist, kannski með slitið krossband en hann er eiginlega eini ómissandi leikmaðurinn í liðinu. verður erfitt að fá góðan mann í hans stað ef hann getur ekki spilað með okkur meira á þessu ári.
en þetta er gott í bili reyni að vera duglegur að færa ykkur fréttir héðan af suðurnesjunum...

Seint skrifa sumir en skrifa þó

2005-02-16T20:25:00.000-08:00

jæja það er nú langt síðan ég skrifaði síðast en þar er vegna þess að ég hef lítið komist á netið því nú er ég fluttur í keflavík þar sem ég bý í má segja 1 herbergja íbúð... hef þar í raun allt sem ég þarf nema vantar ennþá sjónvarp... keypti mér reyndar heimilistölvu um daginn þannig ég er með nóg af bíómyndum á diskum og svo bara 17" skjá þannig það er mitt sjónvarp þessa dagana þegar ég er heima... reyndar hef ég alveg nóg að gera þessa dagana þannig séð... er núna í vinnunni reyndar og það er frekar lítið að gera enda kl hálf 5 að morgni... ég hóf störf í löggunni um síðustu helgi eftir að illa hefði gengið að fá svar frá ríkislögreglustjóra um starfsleyfi fyrir mig en það hafðist lokisins... vann bara á meðan ég var að bíða eftir því bara smá aukavinnu hjá ragga róbert á partasölunni hans að rífa einhverjar súkkur.... ég ætti nú að vita hvað ég er að gera þar fyrst ég hef nú starfað við þessa bíla síðustu 3 árin.... en núna eru breyttir tímar.... löggan og þjáflun... en já nóg um mig að sinni ég reyni að vera duglegri að skrifa hér eftir enda að fá netið þar sem ég bý... gat eiginlega ekki lengur verið án þess orðinn of háður því að nota það dags daglega þegar lítið er að gera hehe

Flyt á morgun

2005-02-01T10:26:00.000-08:00

jæja þá er að koma að því.... ég flyt til keflavíkur á morgun... fór og skoðaði íbúðina í gær og leyst bara rosalega vel á... ekki stórt þannig séð... er eins og gott hjónaherbergi+eldhúskrókur og klósett með sturtu... en þetta er alveg nóg fyrir mig... rosalega fín hjónin sem eiga þetta. en ég á víst eftir að geta komist á netið í vinnunni eða svo sagði sá sem ég þekki í löggunni þarna en ég verð ekki með netið þarna í íbúðinni... ætla hvort eð er bara að æfa og þjálfa þegar ég er ekki að vinna.... kemst svo að því líka á morgun á hvaða vakt ég verð... en veit það samt að þetta eru bæði dag og næturvaktir sem ég er á. fæ líka fatnað á morgun... þannig strákurinn er alveg að fara að stíga sín fyrstu skref í löggæslu.. gamna það.... en ég nenni ekki að skrifa meira í bili... næst þegar ég skrifa verð ég með nýtt heimili þvílík gleði og hamingja:D

Dagur gleðitíðinda

2005-01-31T01:15:00.000-08:00

jæja dagurinn í gær var dagur ánægjulegra tíðinda. ég fékk að vita það að íbúðin sem ég er að fá í keflavík ætti að vera orðin laus strax eftir helgina þannig ég er á leið til keflavíkur á mánud.-þriðjud. til að skoða hana og sjá hvað ég þarf að hafa með mér... eða kannski réttara sagt hverju ég kem fyrir inní þessari íbúð.
Svo fékk ég þau tíðindi í gærkvöldi að Siggi Arnar og Sigurbjörg eignuðust sitt annað barn, lítinn strák en þau áttu stelpu fyrir. Vil bara óska þeim innilega til hamingju með það. Núna fer Arnar í frí loksins.... hann er sko algjör vinnualki og kann ekki að segja nei við vinnu en honum var skipað að fara í fæðingarorlof sem er bara gott. Þá kannski getur hann líka náð upp heilsu.
En já ætli ég mæti ekki í vinnuna á morgun. Var audda veikur alla vikuna síðustu nánast en samt tekur því varla að gera annað á morgun en að tilkynna þeim að ég sé hættur störfum hjá þeim því að ég á víst að byrja seinna í þessari viku í löggunni á vellinum. Var eiginlega hálf leiðinlegt að verða veikur þarna í síðustu viku og enda þannig störf mín hjá fyrirtækinu. En gat lítið við því gert.

Já og eitt enn... ég veit það er engin gestabók hér en það er hægt að láta bara vita af sér með því að skrifa comment... virkar alveg eins takk fyrir:)

Flensa

2005-01-28T10:44:00.000-08:00

jæja ég vona að þetta hafi verið hápunktur veikindana.... dagurinn í gær var rosalegur og endaði með því um 10 í gærkvöldi að ég ákvað að mæla mig og mælirinn sagði 40 stiga hiti svo ég þorði nú ekki öðru en að leita ráða lækna... fór fyrst út á heilsugæsluna hér í mosó en hann sagðir lítið geta gert og sagði mér bara að fara niður á slysó í tékk... þar var ég í 4 tíma. þar fór ég í blóðprufu, lungnamyndatöku, strokupróf og fékk svo 2 poka af vökva í æð og parkódín til að slá á hitan og hausverkinn. það var líka smá munur á mér frá því ég labbaði inn og þangað til ég labbaði út aftur... hafði aðeins betri stjórn á hreyfingum mínum og hugsaði aðeins skýrar. ég hugsa skýrt það er saga til næsta bæjar:D en já ég nenni lítið að tjá mig um þetta meira nema það að fólk má alveg vera duglegt við að hjálpa mér að drepa tíman því ég er víst að fara að vera allavega næstu 4 daga heima veikur.

VEIKUR

2005-01-26T00:00:00.000-08:00

HATA EKKERT MEIRA EN AÐ VERA VEIKUR.... og ég sem er að vinna líklega mína síðustu viku á verkstæðinu og þá þarf ég að verða veikur... er sko ekki að fíla það.... ætli ég þurfi ekki að drullast til læknis á morgun og fá pensilín eða einhvern andskotan.... og svo annar dagur heima á morgun að gera ekki neitt shit hvað mér á eftir að drepleiðast....
svo já eins og landsliðið sýndi góðan karakter í fyrradag þá vá hvað þeir kunna ekki að halda haus þegar þeir eru yfir... hafa aldrei gert... en ég er bara farinn að horfa á joey þættina eða eitthvað.... kannski ég nái að sofna yfir þeim... nefnilega búinn að sofa eiginlega í allan dag að reyna að ná úr mér veikindunum en sýnist það ekki vera að takast... ekkert skárri en ég var í morgun... seeja fólks

letilíf

2005-01-24T01:00:00.000-08:00

djöfull er maður búinn að vera latur... bara af skyldu mætti maður í æfmli til nóra á laugardaginn stoppaði í hálftíma og fór svo bara heim.... gerði svo ekkert í dag nema var að koma af æfingu þar sem við vorum að spila æfingaleik og unnum 5-3 þar sem Steini kallinn átti mark leiksins með viðstöðulausu skoti vel fyrir utan vítateig... þetta getur kallinn. ég sjálfur átti skítsæmilegan leik hef alveg spilað betur.... samt mesta snilldin var sú að ég var á hægri kantinum en er vanalega á vinstri þannig þegar ég var að kalla eftir að boltanum þá kallaði ég alltaf "VINSTRI,VINSTRI" algjör sauður. svona getur maður hætt að hugsa í hita leiksins. segir tóma steypu hehehe...
Á maður svo eitthvað að tjá sig um Liverpool núna, veistu nei held ekki en Vá landsleikurinn í dag... ekkert smá kaflaskiptur leikur og rosalega góður karakter í liðinu að ná að vinna upp 9 marka mun. þetta geta þeir. núna er bara að vona að þeir sýni jafn góðan leik allan leikinn næst og vinni hann. en allavega farinn að sofa vinna á morgun

I am in

2005-01-22T06:31:00.000-08:00

jæja það hafðist, ég náði inntökuprófinu. held jafnvel að ég hafi verið efstur af þessum 10 sem tóku prófið núna. ekki slæmt hjá kauða..... svo frétti ég það að það er búið að redda mér íbúð í kefl og núna er bara verið að bíða eftir að staðfesting berist til löggunnar á vellinum svo hún geti sótt um númer fyrir mig og svona. ég byrja líklega um mánaðarmótin þannig það er ekki langt þangað til að ég er bara fluttur í burtu:D
annars skellti ég mér bara út að borða með vinnunni í gær og hélt upp á árangurinn.... skreið hér heim um 6. bara gaman á djamminu í gær.... rosalega fyndið hvað margar stelpur horfa á mann með glampan í augunum þegar maður er flottur í tauinu. skellti mér í jakkafötin bara í gær og vitir menn það var horft hehehehe ég held að þær hafi bara séð peninga. kvenfólk alveg meiriháttar stundum.

Það getur ekki allt gengið upp

2005-01-20T00:55:00.000-08:00

já það getur víst ekki allt gengið upp hjá manni, Fc Dragon liðið sem ég er að spila með var að spila æfingaleik í kvöld, við gerðum jafntefli við Styrk sem er svona allt í lagi lið en við áttum að getað gert miklu betur en við gerðum.... ef boltinn hefði fengið að ganga kanta á milli eins og við gerum best þá hefði staðan orðið önnur... lokatölur 2-2 þar sem Máni og Gaui skoruðu okkar mörk í fyrri hálfleik. En maður lærir af mistökunum.
Stelpur, jú ég er víst þekktur fyrir að hugsa mikið um þær. Mín kvennamál ganga upp og niður og eins og þarna um daginn missti ég mig alveg. En það þýðir víst lítið að svekkja sig, maður á bara að stíga aftur á bak og halda áfram. þýðir lítið annað..... það er nóg af fiskum í sjónum, ég þarf bara að finna einn sem hentar mér.
svo er inntökuprófið alveg að fara að skella á og ég er aðeins búinn að vera að testa sjálfan mig og það hefur bara komið vel út. ef allt gengur upp á föstudaginn verð ég ráðinn frá og með 1. feb. skilst mér og fram til áramóta. það má víst ekki fastráða ólærða lögreglumenn en þetta er samt ráðningasamningur í lengri kantinum hvað það varðar því vanalega er bara ráðið til 3 mánaða. þannig ég er sáttur og svo er bara að vona að húsnæðismál gangi upp og ég fái þjálfunarstöðu sem aukavinnu. strákarnir í liðinu eru samt missáttir við það að ég ætli að stinga svona af og meira að segja sagði ingó fyrir leikinn það væri ekkert verra að ég mundi meiðast aðeins í leiknum þannig ég gæti ekki farið í prófið hehe en vitir menn hvað skeður hann meiðist sjálfur á hné og það leit ekki vel út. verður vont að missa hann út í langan tíma í meiðsli. en nóg í bili best að fara að sofa vinna í fyrramálið

Inntökupróf

2005-01-17T13:23:00.000-08:00

jæja þá er komið að því... inntökuprófið í lögguna á föstudaginn. eiginlega farið að hlakka dáldið til, vona bara að allt gangi mér í hag og ég nái prófinu og fái vinnuna í löggunni á vellinum. þannig núna ætla ég að vera svoldið duglegur það sem eftir er vikunnar og fara út að hlaupa og synda. jafnvel að maður gluggi í gamlar bækur um stafsetningu því maður þarf víst að fara í stafsetningarpróf og það vegur víst dáldið hátt...
svona til þeirra kvenna sem tóku síðasta blogg mitt nærri sér þá var það kannski dáldið gróft.... en það eru samt margir kvenmenn sem átta sig ekki á því að strákar geta líka haft tilfinningar alveg eins og þær þó við kannski felum þær dáldið mikið og viljum lítið tjá okkur um þær í mörgum tilfellum... það eina sem ég vil biðja ykkur um kæru dömur er að hugsa stundum aðeins hvað þið eruð að gera.
en núna þarf ég að þjóta ætla út að skokka

úff hvað maður er sorglegur

2005-01-15T09:58:00.000-08:00

jæja í gær var bara svona venjulegur vinnudagur, búinn um 4 og ekkert merkilegt frá því að segja, sótti svo brósa fullan niður í bæ um hálf 9 í gærkvöldi.... hann er ótrúlegur, fór í vísindaferð í KB banka þar sem ískaldar fljótandi veigar voru á boðstólnum. hann stóðst audda ekki frítt áfengi og drakk sig fullan.... á heimleiðinni hringdi kúrudýrið Kolla í mig og við ákváðum að skella okkur í bíó. fórum að sjá Alfie og vá maður þekkir sko þónokkra takta sem hann var að beita á kvennþjóðina. Ég held ég geti sagt það með hreinni samvisku þarna var Bjarni yfirhnakki á ferð:D hann þarf sko að fara að sjá sjálfan sig í action. skellti mér svo miðsvæðis og kíkti smá á lífið í bænum. hitti ofurhnakkan á Pravda þar sem hann hélt uppi sínum heiðri með stæl. en já svona að lokum. Liverpool var ekki að standa sig í dag.... og vá Dudek átti að hafa þetta skot frá Rooney. Morientes kom samt vel út svona í fyrsta leik og mér hlakkar til að sjá þegar hann er kominn í leikæfingu. jæja nóg af bulli þangað til næst....

púff and so it begins

2005-01-14T18:06:00.000-08:00

Jæja ég lét verða af þessu.... hélt að ég mundi nú aldrei nenna að blogga en skoðanir geta breyst.
Það sem er svona helst að frétta af mér þessa dagana er það að ég er að sækja um í lögguna á vellinum og mér skilst að það eina sem ég þarf að gera til að fá þá vinnu er að ná helvítis inntökuprófinu sem verður haldið í lok mánaðarins. Þá er bara stefnan sett á að flytja til Kefl og fara að vinna sem löggimann og þjálfa klikkaða unglinga. Mér skilst meira að segja að það sé búið að finna handa mér herbergi sem er nánast bara stúdíóíbúð með húsgögnum og allt á 25k á mán. Þannig núna er ég farinn að undirbúa mig undir prófið og enginn annar en Alkalækur er með mér í för. Við erum farnir að skokka til að byggja okkur upp og svo er reynt að fara í sund og synda smá þess á milli. Audda tekinn smá pottur á það í leiðinni hehe.... Hvað kvennamál hinsvegar varðar stend ég á gati.... held að hlutverk mitt í þeim málum sé bara að pipra alveg eins og Hjaltus.
Já svo eins og allir vita þá er X-ið, Skonrokk, Stjarnan og Radíó Reykjavík hættar útsendingu og þetta kemur einmitt á þeim tímapunkti þar sem ég (sem er talinn mesti hnakkinn í vinahópnum) var farinn að hlusta að mestu leiti á X-ið. Enda hefur Hjalti bannað mér að hlusta á nýju rokkstöðina sem fór víst í lofið í dag 39klst eftir að hinum var lokað.
En nóg í bili ætla að reyna að setja eitthvað meira sniðugt inn á þessa síðu og skella mér svo á æfingu. l8ter